نداء عاجل

السلام عليكم

اهلا بيكوا يا حلوين مع ان العيال بعد امتحان الجرافكس مش عارفة راحت فين

كل ده من الجرافكس واااااااااااااااه من الجرافكس بصراحة كان يوم كله حوادث وكان

ماشاء الله فيه زاى ماتقولوا كده عكس كل ما تتوقع الشيت ضاع بعد ما طلعت من الامتحان

عادى خالص وصورته وحليناه تانى الا عايزة اعرفه بقى الشيت راااااااح فين الله اعلم

اما بقى بالنسبة لالامتحان كان زاى الفل والدليل ان الحاسوباتية اختفوا مش عارفة راحوا فين

وعدت الجرافكس وكله خير ان شاء الله وربنا مابيضيعش تعب حد وبدام تعبنا ربنا هيجزينا كل خير

اى نعم الموضوع جه متأخر بس على ما فوقت من صدمات هذا اليوم والحمد لله على كل حال

وان شاء الله بحوث هتبقى جميلة وكل الناس هتبقى تمام فيها باذن الله

ونداء عاجل لكل الحاسوبتيه الظهور وعدم الاختفاء

يلا سلام

شلت عن غيـري الهـم والبلوى
وللأسف همـي محد قـدر يشيله
سمعت من غيـري الآه والشكوى
بس مالـي أحد أشكيله
آآه أشكي آهاتي في كـل دعوى
ومالـي غيـره سبحانـه أبكيله
أبكي وأحـس بحـرارة الدمعى
أشكي للخالق و من الهم أعطيله
متعود على الهم و خنقـة العبرى
والهم اذا مـاجانـي أنـا أجيله
فياحيرتي أبشرك بربٍ نفيسٍ لكربتي
فإني هنا أرفع كفي الى السماء
أدعو الله دعاء الوجلين الضعفاء
وأرجوه من قلبي بأنواع الرجاء
بأن يبعد عني الشرور والبلاء
وأن يغرس بقلبي الطيب والوفاء
وأن يهديني الى طريق السعداء
ويفتح لي أبواب الخير والعلاء
ولا يجعلني من الضالين الأشقياء
ولا يحرمني خلقاً ذوصفاءٍ ونقاء

مخاطبة قلب

لماذا المح الحزن داخلك ايها القلب الحزين
لماذا كل هذه الهموم والاحزان
لماذا تعيش فى بحر الدموع على ارض الملل
لماذا نطفئ الشموع بايدينا
لماذا كل هذه الآلام
الم يخطر على البال

ابتسامة صافية مدمجة بالكلام
أهى احلى ام ذلك الحزن
الذى احاول ان اقنع نفسى انى لست فيه
واحاول ان اشعر بالسعادة ولكن هيهات
انه يتغلب على........
كل مايدور حولى يشعرنى بذلك
ويجيبنى قلبى بهمسة تقتلنى
انى انزف من ظلم والم وغدر وقهر
من زمن طغت فيه الخيانة على الوفاء
فى زمن امتزج فيه الكذب بالصدق
زمن بات فيه الغدر عنوان والجرح اساس
فى زمن اصبح الجرح فيه هواء نتنفسه
فى زمن لم نقدر على معرفة الحبيب
فى زمن مليئ بالاقنعة المزيفة

مجرد فضفضة

السلام عليكم

اخباركوا ايه بصراحة اترددت كتير فى كتابة الموضوع ده

لانى مكنتش عارفة اكتب ايه ولا ازاى

بس خلاص جبت اخرى

انا هتكلم عن نفسى شخصيا

فى حاجات كتير جوايا مش عارفة اطلعها مع انها ممكن تكون حاجات عادية جدا

مش عارفة ده بيبقى نوع من انواع الصمت ولا ايه!!!

ممكن الحاجات دى تغيرنى من ناحية ناس كتير

ويفتكرونى زعلانة او متغيرة مع انى نفسى اقول حاجة

بس مش عارفة ازاى لان عندى مشكلة مش عارفة هى صح ولا لا

انى مبعرفش اشتكى عشان كدا مش عارفة اكتب الموضوع ده

واترددت فيه كتير وكل اما اكتب امسح فاستحملونى بقى زى بعضه

اكيد راى كل الناس من شكاوى الامهم وتعبهم لاقرب ناس ليهم انها كدا بتريحهم وتسعدهم

مش عارفة ليه انا عندى المعنى ده مختلف خالص تماما

الشكوى بتتعبنى قوى ومبترحنيش وبحس انها غلطة ومش لازم تتكرر

بتجى ساعات عليا لحظات مواجهة وعتاب وشكوى بس الحمد لله بتعدى على خير

وبيفهمونى الى حد ما ... موضوعى ده اول مرحلة من التغير

انى قدرت اكتبه وابعته هيساعدنى كتير

والحمد لله فى ناس كتير فى حياتى بتريحنى اما بتكلم معاهم

مش لازم اشتكيلهم عن حاجة بس مجرد الكلام معاهم راحة

ربنا يخليهم ليا يارب

يلا وربنا معانا فى الامتحانات ونطلع مبسوطين وتبقى احلى اجازة

تغيير وسعادة لكل الناس ياارب

سلام عليكم

لحظات

السلام عليكم ازيكم يا حلوين

يارب تكونوا بخير وتكون الحياة ماشية معاكوا فى الجرافكس الا

مش معروف بدايتها من اخرها دى

بما انى زهقت من المذاكرة فقولت اخد 10 دقايق راحة

ونكتب الموضوع ده

طبعا حياتنا كلهاعبارة عن لحظات فرح ولحظات حزن لحظات خوف ولحظات امان

او مش لحظات فترات الانسان بيبقى فرحان ومستقر ولحظات يحس انه تعبان ومش مرتاح

فترات يحس ان كل حاجة حوليه حلوة وبتضحكله وفترات يحس ان الدنيا كلها وقفة ضده

وفيه فترات مابيبقاش هوعارف رايح فين ولا جي من اين

انا بقى بالنسبالى اكتر فترة بجد حسيت بيها بالفرحة والسعادة هى مش فترة وحدة

هى فترتين وقت ما نتيجة تالتةو ثانوى بانت حسيت بجد ان تعبى مارحش على الارض وكنت فرحانة لان امى كانت فرحانة جدا

وانا بجد كنت بذاكر علشانها وفرحت جدا لما لاقيتها مبسوطة الفترة التانية فى خطوبة اجمل حاجة فى حياتى

كنت فرحانة بجد فرحة ماتتوصفش لانى شيفها سعيدة وشيفها بدأت تحقق احلمها الا كان نفسها فعلا فيها

دى كتر فرحتين عرفت معنى السعادة بجد

فترة الحزن بقى هى فضلت على بعضها كده من النص التانى لاولى للنص التانى لتانية الفترة دى كلها فترة مايعلم

بيها الا ربنا من الحزن والكأبة الا فيها عن حاجة حزن تخطر على بالك حصلت فى الفترة دى تدمير مابعده تدمير

فترة عدم الراحة والاحساس بعدم الامان والتوهان دى بقى الا انا فيها دلوقتى ويمكن السبب انى بحاول اصلح حاجات

فعلشان ده فيه ححرب داخلية فمافيش احساس بالامان فى الوقت الحالى

ياريت كل شخص يوقف حياته لحد اللحظة الا هو فيها

وبيقرأ الموضوع ويفتكر بقى لحظات سعادته ولحظات حزنه

يلا سلالالالالالالام

انا زهقت وتعبت

السلام عليكم

انا بجد فى حالة يرثى لها حاجة بجد تحنق وتزهق وتعبت وجبت اخرى

من الكلية دى مش من الكلية من القائمين عليها مافيش حد يقول كلمة ويصدق فيها ابداااا

لما خلاص حاجة بجد تزهق مش عارفة هم موجودين فى الكلية دى علشان يزهقونا

البتاع الا سمه .............. قال انه اتلغت علشان العملى اتلغى يرجع قبل الامتحان بيوم يقول انها معانا

على اساس ايه بقى وانا بجد جبت اخرى فى الحسبنة لكن اعمل ايه ولا اقول ايه حسبى الله ونعم الوكيل

كل لما الواحد يروق شوية لازم لازم حاجة تجى تقوله لا انت سعيد ازاى لازم نعكنن عليك

حرااااااااااااااااااااااااااااااااااام والله العظيم نفسى حد يقول كلمة وحدة فى الكلية دى ويبصدق فيها

ناخد بكلمته خلاص ما عدش فيه

لا وايه كمان مش عارفين الامتحان هيجى ازاى او من ايين

اكيد من كتاب الجغرافيا

ربنا ينتقم من كل ظالم ومفترى ومابيرعيش ضميره

حسبى الله ونعم الوكييييييييييل

من اجل اليونسكو ياعزيزى

السلام عليكم ورحمة الله وبركاته

مقالة:
من أجل اليونسكو يا عزيزي .. فاروق حسني : لن أكون ضد اليهود ولم أدع إلي إحراق الكتب الإسرائيلية.. بالعكس أطالب دائماً بترجمتها

هذه مقال فى الصفحة الرئيسية وباقت علنى

فاروق حسنى عشر سنين وزير الثقافة غير انه كمان فنان

ودلوقتى الحكومة بتشكل لجنة متخصصة للدعاية عشان ترشحه مدير عام منظمة اليونيسكو

وكان فى احد نواب المعارضة"أكد أن المكتبات المصرية التابعة لوزارة الثقافة مليئة بالكتب الإسرائيلية"،

طبعا لازم فاروق يبين حماسة المصريين بتاعت ربع ساعة دى

"إذا وجدت كتابًا واحداً فسأقوم بإحراقه"

يقوم يحصل رد فورا من اليهود

(ووجه مركز سيمون فيزنتال اليهودي العالمي يوم ـ الأربعاء ـ الماضي

إلي مدير عام اليونيسكو كويشيرو ماتسورا

رسالة احتجاج علي ترشيح حسني لإدارة المنظمة، واصفاً إياه بأنه

«يتطلع إلي إحراق الكتب ويهدد باستخدام الثقافة سلاحاً»،

مؤكداً أنه لا يستطيع أن يدير القسم الثقافي في الأمم المتحدة.)

وهنا وقعت الصدمة لفاروق فحب يصلح غلطته فورا ويعتذر لليهود

" حسني: أنا كوزير للثقافة لا يمكنني أن أصدر تصريحاً بإحراق الكتب ومن بينها الكتب الإسرائيلية

خصوصًا، ونحن نحافظ علي التراث اليهودي في مصر ويبين ذلك قيامي بترميم المعابد اليهودية التي

كانت في حالة يرثي لها إلي جانب الحفاظ علي برديات الجنيرة التي تعتبر من التراث اليهودي المصري"

دا رد فاروق حسنى على حاجة وحيدة كان عاملها صح مجرد كلام واعتذر عنها لمجرد منصب وكرسى

ويرمم كمان معابد يهودية ياسلام حلو قوى

لكن اما يكلم عن الحجاب ويهاجمه ويشن هجوم عليه واضطراب

متهزش شعرة واحدة وقال ان ده حرية راى وتعبير وهو حر

ومعتزرش وواسفاه بقت حاجة تكسف والله

حسبى الله ونعم الوكيل

خلاص الواحد بقى بيقرا الاخبار وكانها حاجة عادية وقديمة

مش عارفة ده بقى برود من الشعب ولا ايه !!!!!!!!!!!!

حسبى الله ونعم الوكيل . لنــــــــا الله

سلام عليكم

سياسة (ما حدش يخاف احنا معانا حصانة)

السلام عليكم

ازيكوا يا شباب يارب تكونوا بخير

الموضوع الا هنتكلم فيه الانهارده يمكن تستغربوا ان بتكلم فيه

بس لازم نتكلم لان احنا مش صغيرين احنا كبار بما فيه الكفاية علشان نعبر عن راينا

ايه رايك فى الا بيحصل على الساحة السياسية الان ؟

ماتعرفش صح طب وليه مش عيب علينا نهتم بالمواضيع

الا اى كلام وسايبين اساس حياتنا ومجتمعنا مابنحولش حتى نعرف ايه الا فيه

يا جماعة المجتمع ده عليه لينا حقوق لازم نوفيها ومن هذا المنطلق( مش عارفة سمعت الكلمة دى فين)

ياريت كل واحد يقول الا جواه والا يعرفه فى هذا الموضوع حتى يكون لدينا خلفية عن مايدور حولنا

انا عارفة ان ما حدش فاهم حاجة اذا كان انا مش فاهمة

ماعلينا نبسط الموضوع

الا مقصود من الموضوع ده ياجماعة ان واحدة زاى حالاتى ماتعرفش

اى حاجة فى الا بيحصل يعنى مثلا مين هو رئيس وزراء مصر الحالى

طب والله معرف

انا ماعرفش غير الرئيس حسنى مبارك وبصراحة مكسوفة اوى من نفسى

واكيد فيه ناس كده ولا ايه

فاحنا عايزين نهتم بالجانب ده على الاقل يكون عننا خلفية عن اساس المجتمع مش الناس دى اساسنا ولا ايه

علشان نعرف احنا نازلين ولا طلعين لا راحين فين بالظبط

يعنى الا عنه معلومة يقولها الا عنده قائمة باسماء السياسية الهامة فى البلد يذكرها

الا عنده فكرة عن الا بيدور حولينا يقول

يااااااااااااااااااااااااارب تكون الفكرة وضحت

انين الصمت.....

س.ع

يسعدنى انى اخدت ميكرفون المدونه ولاول مره ..وبصراحه ما صدقت العيال ناموا قلت لما امسكه انا بقى

هكلم النهارده عن حاجه خاصه بيا اوووى وممكن تكون اكتر حاجه بضايقنى.

الصمـــت...فعلا وبدون مبالغه اكتر شى بيضايقنى

والغريب انه اصبح طبع اساسى فيا بس بجد ما بقيتش قادره استحمله

الصمت ممكن يكون اجابه بارعه لا يتقنها كل البشر .

بس لما بتزيد وتكبر مع الانسان اوتسيطر عليه تصبح عقبه فى حياته مش كتير مننا ممكن يتخطاها

والعاجز عن تخطيها وبيتعايش معاها بتسبب له مشاكل كتير اووى وبتظلمه وبتظلم كل الا حواليه .

كتيير بكون عايزه اتمرد على حالات الصمت الا بعشها واصرخ واكلم ...

بس بكون عاجزه عن انى الاقى كلام ممكن يعبر عنى الا جوايا فبلجأ الى الصمت

اصحابى بيشوفوه ضعف فيا بس هو الا بيريحنى وبيساعدنى على تخطى امور ومواقف كتير بالحياه

لكن السوال الا بيدور دايما ببالى ..هل الصمت ده عجز وضعف فعلا؟؟؟

هل بظلم نفسى وبظلم الا حواليا من كثره الصمت ولجوئى المستمر ليه فى كتير من المواقف؟؟؟

والا نفسى بجد اعمله انى اتمرد عالحاله دى ....

بعترف انى ظلمت ناس كتير معايا فى حياتى بصمتى وبعتذر بجد ليهم

بعتذر لارق انسانه فى الوجود ....امـــى....

بعتذر عن كل لحظه الم عشتيها وانتى تنظرى فى عينى لتعرفى سبب حزنى وانا عاجزه عن النطق

بعتذر لصديقه عمرى ....( )....

بعتذر عن كل لحظه ظننتى فيها اننى لااشعر بكى او انى بعيده عنكى بسبب صمتى

بعتذر لنفسى........

بعتذر عن ساعات وايااااام طويله قضيتها فى الم قاتل

بعتذر للصمت لانى سئمته ولم اعد اتحمله ........

امنيتى انى اتمرد عالصمت......

ودى كانت اول تدوينه ليا

ومعلشى لو كانت نكد شويه ..ويمكن المدونه دى فعلا تكون بدايه التمرد......

ادعووووووولى يجمااعه

يلا بقى سلااااام

NOUR

وقفة

السلام عليكم

السلام عليكم ازيكم ياشباب اتمنى ان الناس

كلها تكون بخير وفى سعادة

موضوع الانهارده ده يعتبر وقفة مع نفسنا او مواجهة مع النفس

ندخل فى الموضوع بقى ممكن حد يقولى من

منا لم يجلس مع نفسه وقال:

انا اتجرحت انا اتخدعت انا اتكدب عليا انا اتخنت انا انا انا.............

كل واحد بيقول كده طب ماهو لما كل واحد يقول كده طب مين بقى الا خان ومين

الا كدب ومين الا خدع ومين ومين ومين..............

ممكن حد يجاوبنى ليه دايما بنخلى نفسنا زاى

الملايكة ما بنغلطش الا حولينا هم الا بيغلطوا

والا حوليك يقوولوا انت الا بتغلط طب مين على

حق بقى يه كل انسان مايقفش مع نفسه

ومايرميش اللوم على غيره يقف لنفسه وبكل شجاعة

ويقول انا عملت كذا وغلط يبقى فيه عقاب

واعترف بغلطى مش كل واحد يقول للتانى لا انا صح وانت الا غلط

وبلاش نعمل زاى الا كدب الكدبة وهو اول واحد صدقها ويعيش فيها وفى اوهام وفى عالم حزين

ليه بلاحظ ان كل الناس واولهم انا ما انا من الناس برده

حاسين بالتعب وبالحزن والاكتئاب ويقولوا خلاص

احنا مش عايزين الدنيا دى الا كلها غش وكدب وخداع وجرح احنا عايزين نموت

يا سلام وايه الا عرفك ان موتك هيريحك مش تصلح الاول من

نفسك وبلاش نرمى كل اخطائنا على غيرنا وغيرنا يرمى

اخطائه علينا ليه كل واحد ما يحسبش نفسه على اخطئه

وبلاش كلمة انا اتعمل فيه كذا بلاش قبل ما تحاسب الا عمل

فيك او جرحك حاسب نفسك الاول علشان تقدر تقرر فين الصح وفين الغلط

انا عارفة انى طولت اوووووووووووى واحتمال انى ذوتها

بس بجد لازم لكل واحد يقف مع نفسه ويحاسبها قبل الحساب الاعظم

واخر كلامى سلامى

اليوم الموعود

السلام عليكم

وجاء اليوم الموعود وامتحانا احتمالات وما ادراك ما الاحتمالات اخد حل السؤال الاول ساعة وربع

السؤال الاول فقط ساعة وربع سبحان الله لا ولا الدكتور يطلع يقول اعملوا القانون زاى ما اخدتوا مش زاى ما

هو طالب سبحان الله بس بصراحة والله كان جميل وسهل وبسيط مع ان الدسوقى ما رعاش ضميره معانا

بس كل الا قاله جه بالارقام يلا ندعيله شوية بدل الدعى الا دعى عليه

وادى يوم عدى عقبال بقيت المواد ونرتاح بقى وتكون كلها سهلة وبسيط

وياااااااااااااااااااااارب نجيب كلنا تقديرات حلوة النص ده قولوا اميييييييييييين

يلا سلام بقى

اه استنوا شوفتوا وش بالبلوج حلو علينا ازاى اهو الامتحان الا جه الانهارده ده

على راى حبى نتيجة عمل البلوج

اروح انااااااااااااااااااااااااااااااااااااااااااام بقى

احتمــــــــالات

السلام عليكم

بكرة علينا امتحان احتمالات يعنى احتمال فى امتحان واحتمال لا "هههههههههههه"

اهم حاجة ان المادة دى لذيذة بالعقل مخدناش فيها غير اربع سكاشن

والمحاضرات بتبقى تحفة ومحضرتهاش اهم حاجة بقى

فى المنهج مش عارفين ايه العلينا واللى مش علينا وطبعا مخدناش كل

حاجة فى السكشن وقاعدين نلم معلومة من هنا على هنا

والعيال كل شوية يطلعوا حاجة جديدة ولحد دلوقتى منعرفش

ايه النظام "ههههههههههههه" حاجة تفرح بجد

اهم حاجة بقى انى انا وامانى كل شوية نعمل حاجة جديدة

فى البلوج ده وسايبين المزاكرة زى كدا دلوقتى وانا بكتب الموضوع ده

وحاسة انى مش عندى امتحان بكرة احساس فظيع ماهى احتمالات بقى

يلا ربنا معانا وان شاء الله خيييييييييييير ويكون الامتحان كويس

لنا كلنا ونطلع مبسوطين .......

سلام عليكم

سوووووووء الظــــــــــــــــــن

السلام عليكم ورحمة الله وبركاته

بما ان خليت امانى تبدا باول موضوع وفعلا رااائع جدااا

لكن انا بقى عاوزة اكلم عن حاجة تانية خالص كان نفسى اكلم

فيها من زمان بس مجتش فرصة . المهم هاكلم

فى سوء الظن

بصراحة مش هحاول اطول فى الموضوع بس كان عندى تساؤلات كتير ليه كل واحد

يبص للتانى ويمسك عليه زلاته واخطائه اكيد كل واحد عنده اخطاء وزلات

ليه كل واحد ميبصش لنفسه جواااااااااااااه ويتغلل فى اعماقه ويطلع عيوبه المتلتلة واخطاؤه

ويفحصها ويحاول يصلحها واما يصلحها خلاص ويحس انه تمام هيحس بشعور رائع لا يمكن تخيله

يبدا يشوف الاقرب ليه هيلاقى فيه مثلا غلطة كانت عنده قبل كدا ويقدر يصلحها

فى غيره طبعا بقى مش هيمسكها ليه كانها شوكة او عاقبة لالالالالا اكيد هينصحه ويتعاون

معاه انه يتغلب عليها ويصلحها اكيد هما الاتنين هيبقوا فى قمة السعادة وده اللى انا شيفاه

الحب والود والسعادة بين الاحباب والاصدقاء اما غير كدا كل واحدة تمسك التانية وتشوفها

واقفة مع واحد اه ازاى دى فلانة واقفة مع واحد ما يمكن اخوها لالالا ياستى مش شكلها ياسلام كانت حللت dna

ماعلينا مش لازم مواقف البنت مع الولد لا فى مواقف تانية زى مثلا

موقف حصل ليا شخصيا واحدة كانت مقاطعة المنتجات الدنماركية دى مشكلة وفى كتير مبيقدرش يتغلب عليها

المهم كنا قاعدين فى المسجد وشافتنى باكل شيبسى جت بكل بساطة وكلمتنى بهدوء وقالتلى دى كذا وكذا

ومينفعش واحدة غيرها كانت ممكن تقول شوفتوا منتقبة ومش مقاطعة الدنمارك

عجبنى كلامها قوى وشخصيتها عجبتنى مع انى كانت اول وياريت متكنش اخر مرة اشوفها

وكلام من ده كتير مش على المواقف دى بس انا لسه سامعة موقف من الشيخ ابى اسحاق الحوينى

الساعة 12 كدا كان فى قناه الحكمة المهم كان بيكلم عن نفس الموضوع ده

وقال موقف ليه حصل شخصيا الشيخ ربنا يشفيه ميقدرش رجله تلمس الارض

فيصلى بالحذاء اعزكم الله فى المسجد فدخل فى مرة المسجد عشان يصلى

وكان رجل يراه ويروح يقول للناس التانية فى المسجد ان الشبخ الحوينى ازاى يدخل

ويصلى بالحذاء فى المسجد وكان بعض الناس يوصلوا الكلام ده للشيخ فقرر الشيخ ان يصارح الرجل

ويكلمه وبعد صلاة ناد على الرجل وقال له لقد قلت على كذا وكذا

من غير ان تدرى السبب فقال له هسالك اربع اسئلة تجاوبنى عليهم

هل انا عاقل ام مجنون ؟ هل انا عالم ام جاهل؟

فقال له الرجل عاقل فقال الشيخ لو كنت عاقل يبقى اكيد

انا معملتش كدا الا بسبب ولو كنت مجنون فلا تحاسبنى فلا حرج على المجنون

وانى كنت عالم فاكيد مش هعمل كدا غير بدليل واثق منه ان اصلى بالحذاء

كنت جاهل كنت تعال عرفنى مش تروح تقول للناس من ورايا

بصراحة ده اكتر موقف عجبنى فى سوء الظن ان ممكن تفكيرنا يروح لبعييييييييد

واحنا منعرفش حاجة حبيت احكى كذا موقف عشان نعقل الموضوع لانه كبير جداا واحنا مش واخدين بالنا

اظن وضحت فكرتى وبلاش اطول اكتر من كدا نسيب الناس فى حالها

وكما تدين تدان اكيد بدل ظنيت بالناس هيظن فيك ومش بعيد يكون نفس الظن

فبلاش احسن نحط نفسنا فى مواقف نحن فى غنا عنها

Emy

الحياة

السلام عليكم ورحمة الله وبركاته

ده اول موضوع فى البلوج وانا ماكنتش

عايزة انا الا ابدأ بس يلا حظكم معايا

اعمل ايه فى حبى لازم تمشى كلمها عليا ما علينا

اول موضوع هيكون عن الحياة

بما اننا الان فى مرحلة النضج فكل شخص فينا عرف الصح من الغلط

عرف الا كان مفروض يتعمل وماتعملش وعرف الا المفروض يعمله

وعرف كمان ان اساس حياته لازم تكون مبنية على اساس سليم وصح

حتى لو ماكنش نشأته من الاساس صح هو يحاول ينشأ نفسه من جديد

لانه بعد كده هيكون الاساس سواء هو رب الاسرة او ربة الاسرة

ولازم وضرورى جدا يكون اساسه ده مبنى على منهج صحيح

المنهج ده مافيش انسان على وجه الارض هيلاقيه غير فى الاسلام

بما يحتويه من كتاب الرحمن وسنة الحبيب محمد( صلى الله عليه وسلم)

مع موجود بعض الكماليات فى حياة الانسان مع ان هم الاتنين لايوجد ليهم

لكن لازم يكون الانسان عنده مشاعريوضفها فى البشر الا حوليه

يتعامل مع الناس ودى بقى عقدت حياتى ان لالاسف انى مابحبش اعرف ناس كتير

بحس ان التعارف الكتير غلط اه اتكلم مع الناس ماشى لكن كل شئ بحدود وحدود اوى

وممكن الناس تعتقد انى متكبرة بس والله انا مش كده انا بخاف انى اتعامل مع الناس لانى

كنت فى فترة فى حياتى كنت اجتماعية جدا بس اتخدعت فى ناس كتير جدا فقولت لا

البعد احسن بس ده بالنسبة ليه وكل شخص حر تبع حياته الا عشها بس ياريت الناس

ماتحكمش على حد من غير ماتعرفه

خرجت عن الموضوع نرجع تانى ونقول ان اساسنا يا جمااعة لازم يكون دينك

لا المجتمع ولا الا حوليكى ولا اى شئ فى الدنيا غير دينك الا شيفه صح ولا يعارض الدين

يبقى مايهمكش من اى شخص فى الدنيا مهم اعترضوا عليك

بس اتمنى ان كل الناس تاخد الدين اساسها فى كل امور الحياة هتحسوا بجد ان الحياة حلوة

لان لو كنت اخدت منهج الدين اساسك فى كل علاقتك مع اى شخص مهما ان كان رتبته فى

حياتك ماكنتش تعبت

لو كنت اخدت منهج الدين طريقك فى علاقاتك ماكنتش تعبت

لو كنت عاملت ربنا كويس ما كنتش تعبت ولو كنت اخدت منهج ربنا طريقك ماكنش غلطت ورجعت تندم على خطأك

ومستنى حد يسامحك طب وربنا فين خايف من العبد وحزين وتعبان علشان مش عايز يسمحك مافكرتش

هل ربنا هيسمحك ولا لاه ياريت كل واحد فينا يقعد مع نفسه ويحاسبها على كل الا فات من غير الاساس الصح

ويبدأ ياخد اساسه الصح علشان يرتاح ويكون سعييد

واخر كلامى سلامى واسفة على الاطالة

اختكم فى اللهNOURAN