السلام عليكم ورحمة الله وبركاته
سبحان الله مقلب الاحوال
انا كنت داخلة اكتب عن موضوع تانى خالص
ومرة واحدة تحصل حاجات واغير الموضوع وحاجة مش متوقعة
حصلى موقف انهاردة مكنتش اتوقع انه ممكن يحصل نهائى
ان حد يشتكى منى وبذات على منتدى بس اهم حاجة والحمد لله انى مغلطتش
مكنتش الغلطانة لان دى قوانين المنتدى وماشية عليها ومسئولية الاشراف عليا
وبذات كمان المنتديات الاسلامية يعنى اى موضوع يتحط لازم يكون له دليل
او سند صحيح مش اى مواضيع كدا ننقلها من المنتديات ونحطها
وهى حطت مواضيع مخالفة ومواضيع متكررة وطبعا لازم تتشال
وبعتلها كذا رسالة خاصة عليهم ولا كانى بعت حاجة وهى فاكرة
ان المواضيع بتتمسح خالص وانها مبتروحش لحاجة اسمها سلة المهملات
وميظهرش غير للمشرفين والمدير والنائب بس هى عضوة مش شيفاها فكتبت فيا شكوى على مشرفة اللى هو انا
وانى شلت مواضيع من غير ما ابلغها بس كذا مشرفة دخلوا وجبلوها
المواضيع من سلة المهملات وعارفوها انها مخالفة ومتكررة
المهم الموضوع عدى على خير لانى مغلطتش والصورة واضحة للجميع وعارفين
بس دلوقتى حاسة ان انا عاوزة اكلمها وانصحها ولو معملتش كدا هبقى غلطانة
مش عارفة ليه واخدت اراء يقولولى لا هى خدت كذا فرصة وهى غلطانة
مش عارفة مبحبش احط نفسى فى مواقف زى دى
1 التعليقات:
السلام عليكم
ازيك يا حبى قفلتى ليه مش تستنى لما اكملك عموما ماااااااشى
اولا انتى مش غلطانه لانك ادتلها فرصة اكتر من مرة واتنين وغير انظرها يبقى هى متقصدة تعمل الغلط تبقى دى ماتستهلش انك تنصحيها ادعيلها بس ربنا يهديها
وماتزعليش نفسك يا حياتى
وانتى مش غلط
يلا سلام
إرسال تعليق